Kowonaviris/ Brezil: 41 906 moun anplis trape viris la
Ministè Lasante nan peyi Brezil enfòme yo resanse 41 906 nouvo ka konfime nan kowonaviris la pou ayè madi 6 oktòb la. Daprè enfòmasyon ministè a bay, se depi nan dat 11 septanm pase yo kontinye ap anrejistre anpil ka konsa chak jou nan peyi a.
Selon done gouvènman Brezilyen an bay, gen plis pase 4,92 milyon moun yo gentan anrejistre ki kontamine nan viris la depi lè l te koumanse nan peyi a.
An menm tan, otorite yo nan zafè lasante siyale gen 819 moun anplis ki mouri. Sa ki vin bay yon total 147 494 moun ki gentan mouri nan kowonaviris la sou teritwa Brezilyen an.
