Kowonaviris : Bresil resanse 11 946 ka nan yon jounen
Ministè Sante nan peyi Brezil rapòte yo resanse 11 946 nouvo ka kontaminasyon nan kowonaviris pou ayè lendi 5 oktòb la.
Selon done gouvènman Brezilyen an, gen plis pase 4,92 milyon moun ki gentan enfekte nan peyi sa a depi lè epidemi an te koumanse.
Otorite yo nan zafè lasante, an menm tan, siyale gen 323 moun anplis ki mouri nan kowonaviris la. Sa ki vin bay yon total 146 675 moun ki deja mouri nan peyi Brezil ak viris la.
