Yon movè zodè nan vil Cap-Haïtien pou bòykote reouvèti ane jidisyè a jounen lendi 5 oktòb la
Nan okazyon reouvèti lane jidisyè a nan dezyèm vil peyi a, avoka nan jiridiksyon Cap- Haitien deklannche yon mouvman pwotestasyon kont manm konsèy siperyè pouvwa jidisyè yo ki rekondui jij Jean Ralph Prevost nan tèt dekana a. Sa ki lakoz Avoka pwotestatè yo kanpe kont seremoni pou relouvri tribinal yo pandan yo rete nan perimèt kou dapèl la.
Yon movè zodè ki tap degaje nan sal la te fòse envite yo oblije kite espas ki te rezève pou seremoni an. Prezans jij Prevost te leve plim sou do avoka yo ki te detèmine pou bòykote seremoni an.
Daprè deklarasyon yo, yo akize dwayen an pou move pase li ta genyen e yo repwoche li poutèt li t ap travay pou pouvwa jidisyè a.
Pwotestatè yo antann rapousuiv batay yo jiskaske yo jwenn satisfaksyon.
