Ansyen Jwè Seleksyon Nasyonal la, Johnny Descollines pare pou chita pale ak divès gwoup gang pou lapè retounen Solino

Atak repete nèg ak zam yo sou Solino lakoz popilasyon katye popilè sa lage nan lari ak 2 bra yo balanse. Nan sans sa, ansyen Jwè Seleksyon Nasyonal la, Johnny Descollines ki tap entèvni sou Radio Caraïbes jounen jedi 31 oktòb deklare li pare pou l chita pale ak tout gwoup ame nan diferan geto dekwa pou fasilite moun Solino yo tounen lakay yo.

Chak jou kap pase sitiyasyon deplase ak moun kap viv Solino yo ap vin plis konplike akoz nèg ak zam ki sòti nan diferan Geto ap miltipliye egzaksyon yo dekwa pou pran kontwòl katye popilè sa. Se konsa, Johnny Descollines nan tèt kole ak divès lidè nan zòn yo anonse yo prè pou chita ak gwoup gang yo nan lide pou jwenn yon solisyon dekwa pou moun Solino kapab retounen al viv lakay yo san pwoblèm.

Ansyen glwa foutbòl Ayisyen an souliye demisyon leta nan tèt peyi a e di li prè pou l chita pale ak Barbecue pou l eksplike l sitiyasyon moun yo ap viv dekwa pou yo kapab jwenn lapè.« si m pran angajman sa mwen pran angajman sa pou pèp mwen, pou zòn mwen», se sa ansyen foutbolè a deklare.

Johnny Descollines ki toujou abite Solino fè konnen se yo ki pou sove tèt yo, paske yo lage pou kont yo pa gen okenn moun ki tande kri yo.

pascalfleuristil2018@gmail.com