Divès lokalite nan 5èm seksyon Delis tonbe anba pwoblèm dlo depi 8 mwa

Moun kap viv nan 5èm seksyon kominal Delis sitou nan aks Michel ak zòn ki viwonnen l yo nan Akayè ap fè fas ak yon gwo pwoblèm dlo depi 8 mwa. Jackson Ixé youn nan lidè nan kominote a lanse yon SOS bay otorite yo nan Dinepa pou solisyone pwoblèm sa ki gen gwo konsekans sou peyizan yo.

Akoz yon pwoblèm teknik nan nivo kaptaj nan Donyen an , divès lokalite nan 5èm seksyon kominal Delis tonbe anba gwo pwoblèm dlo. Divès kyòs ki te la pou sèvi popilasyon an dlo paka rive ladan yo. Sa lakoz peyizan yo ap mache plizyè kilomèt pou jwenn yon ti lòsyè dlo.

Nan sans sa, Jackson Ixé youn nan lidè kominotè zòn Michel mande entèvansyon prese prese otorite yo nan DINEPA pou rezoud pwoblèm sa dekwa pou anpeche popilasyon an mache plizyè kilomèt pou al bouske ti gout dlo.

Pwoblèm dlo sa gen gwo konsekans sou fonksyonman peyizan yo nan seksyon an dapre Jackson Ixé piske se nan difikilte pou jwenn yon ti gout dlo pou yo sèvi.

Nap siyale Delis se youn nan seksyon kominal ki twouve l nan komin Akayè. Seksyon sa ap fè fas ak anpil difikilte tankou pou jwenn moso ledikasyon byenke gen yon lekòl Nasyonal nan zòn nan ak lasante.

pascalfleuristil2018@gmail.com