Nèg ak zam kowalisyon Viv ansanm yo menase sektè laprès la

Jounalis Radyo ak Televizyon Karayib, Guerrier Dieusel ak Johnny Ferdinand epi maten deba Louco Désir ak Esau César anba gwo menas kowalisyon gang Viv ansanm yo. Barbecue anonse l ap fè kidnape yo pou l ka jije yo, ayè dimanch 20 oktòb la nan yon live tik tok ki te trennen anpil moun epi ki fè pale de li sou tout rezo yo.

Laprès la tonbe nan gwo toumant apre deklarasyon Chèf gang Barbecue fè. Pòt pawòl Viv ansanm lan anonse lap fè kidnape jounalis Guerrier Dieusel, Johnny Ferdinand, Louco Désir ak Esau César pou jijman. Ansyen polisye ki vin gang lan deklare se li menm Esau César te kontakte pou te fè negosyasyon lè nèg ak zam te kidnape ansyen Jounalis Lucien Jura lakay li nan mwa ki sot pase yo.

Paralèlman gwoup ame yo tanmen depi fen semèn nan gwo deblozay nan plizyè katye nan zòn metwopolitèn nan. Malgre sa , pouvwa montre li poko gen solisyon pou rezoud pwoblèm ensekirite a.

pascalfleuristil2018@gmail.com