Nouvo chèf nan komisarya Akayè : Komisè Frantz Desilien Ranplase Jorès Charles
Frantz Desilien pran tèt komisarya Akayè dimanch 20 oktòb 2024, pou ranplase ansyen komisè Jorès Charles. Desizyon sa a te pran apre popilasyon akayè a te mande pou komisè Charles kite pòs li. Dapre moun nan komin nan, mezi li yo te manke efikasite e yo te an konfli ak sekirite ak defans komin lan.
Komisè Charles te konn dirije komisarya nan plizyè komin avan, tankou Croix-des-Bouquets ak Cabaret. Sepandan, bandi te fin pran kontwòl jiridiksyon sa yo , epi yo te fè plizyè atak sou Akayè. Kounye a, popilasyon an santi yo soulaje paske nouvo transfè sa a fèt, epi yo swete komisè Desilien kapab ede pwoteje komin lan kont menas kriminèl yo ak gang ki anvayi zòn lan.
Nouvo komisè a gen misyon pou ranfòse sekirite a epi diminye vyolans ak aktivite bandi yo ki kontinye fè atak sou popilasyon an.
pascalfleuristil2018@gmail.com
