PNH ak MMSS Touye 20 manm gang nan Torcel epi sezi plizyè materyèl pandan ofansiv kont “Kraze baryè”
Nan kad operasyon kont gang ame ki ap simen latwoublay nan peyi a, Polis Nasyonal Dayiti (PNH) ansanm ak fòs miltinasyonal la lanse yon gwo ofansiv nan Torcel, kote gang “Kraze baryè” Vitelhomme Innocent ap opere.
Samdi 12 ak lendi 14 oktòb 2024, pandan atak fòs sekirite yo, omwen 20 manm gang yo mouri nan echanj kout zam. Yo konfiske plizyè zam , bal, telefòn mobil, ak materyèl sansib ki te nan men bandi yo. Lapolis te antre nan plizyè pwen estratejik kote gang yo te abitye opere ak komèt krim.
Malgre siksè operasyon yo, yon machin blende MSS te fè fas ak yon pwoblèm motè ki te enposib pou ranje sou plas malgre entèvansyon teknisyen yo. Echanj kout zam yo te lakòz dezyèm chèf gang “Kraze baryè” a, ki rele Deshommes, blese pandan batay la.
PNH la fè konnen li rete mobilize epi li deside kontinye operasyon yo pou arete chèf gang lan, Vitelhomme Innocent, ak tout lòt manm gang la pou retabli sekirite nan zòn nan epi pwoteje popilasyon an kont zak kriminèl.
pascalfleuristil2018@gmail.com
