Gwo rankont stratejik sou plan sekirite peyi a

Manb konsèy Prezidansyèl Tranzisyon rankontre jounen vandredi 11 oktòb la, Premye minis pou yon ti bout tan, Carlos Hercule, Direktè Jeneral lapolis la Rameau Normil ak kòmandan Fòs lame Dayiti Derby Guerrier pou kapab gade kòman sekirite kapab tounen sou tout peyi a.

Ensekirite kap vale tèren nan tout peyi a se gwo pikan kwenna ki nan pye gwo zotobre ki nan tèt Leta yo. Aksyon gwoup kriminèl yo ap ogmante chak jou nan peyi a. Nan sousi pou jwenn yon solisyon ak sa, Manb Konsèy Prezidansyèl Tranzisyon yo rankontre Chèf pou yon ti bout tan Konsèy Siperyè Polis Nasyonal, Carlos Hercule, Direktè Jeneral lapolis, Rameau Normil ak kòmandan Fòs lame Dayiti Derby Guerrier.

Rankont stratejik sa te chita sou yon plan kowòdinasyon sou jefò kap fèt pou lapè ak lòd kapab tounen sou tout peyi a nan yon kontèks kote gang yo ap vale tèren.

Nap raple chak jou kap pase bandi yo ap sòti grif yo epi Lapolis sanble poko jwenn solisyon pou fini ak aksyon y ap poze yo.

pascalfleuristil2018@gmail.com