Lapolis ranfòse prezans li nan komin Akayè

Apre atak bandi ak zam fè nan nivo Komin Akayè jounen jedi 10 oktòb 2024 la, Direksyon Jeneral lapolis la pran dispozisyon ranfòse prezans Lapolis nan Site Drapo a.

Komin Akayè konnen yon demi jounen boulvèse swit ak atak atoufè yo nan zòn Bercy ak Vigner. Apre divès apèl ki te lanse bò kote Lapolis, otorite yo voye yon blende nan Komin nan pou batay ak gang yo. Mete sou sa divès inite tankou CiMO ak BOID deplwaye sou wout dekwa pou pwoteje popilasyon achelwaz la anba atak nèg ak zam Kanaran.

Atak sa gen gwo konsekans sou fonksyonman aktivite yo nan komin nan pwiske pòt lekòl ak antrepriz yo rete fèmen mete sou sa anpil moun kouri kite kay yo sou wout Nasyonal nimewo 1 an ak nan Sant vil la.

Selon bilan otorite yo konfime gen 2 moun ki mouri, 2 lòt blese nan popilasyon sivil la san konte kay ak machin ki pase anba flanm dife.

pascalfleuristil2018@gmail.com