Sitiyasyon migran Ayisyen yo makawon nan Repiblik Dominikèn

Divès Ayisyen kap viv nan Repiblik Dominikèn ap monte yon maswife pa do swit ak move tretman yap resevwa nan men otorite peyi sa. Jounalis Alexander Galvez eksplike tray Ayisyen sa yo nan tikoze nan panyòl. Plizyè ayisyen ki legal ki rete nan zòn Santiago deside vann tout sa yo genyen pou yon ti kras lajan pou yo rantre Ayiti ak pwòp volonte yo paske yo paka sipòte move tretman konpatriyòt yo ap sibi anba men dominiken.

Dirijan nan Repiblik Dominikèn pa konsidere Ayisyen tankou moun lakay yo dapre sa Jounalis Alexander Galvez fè konnen. Nan kesyon depòtasyon fanm ansent ak timoun pa epanye epi se nan kondisyon makawon. Menm Ayisyen ki gen pliske 20 lane ap viv kay vwazen pa epanye nan makòn depòtasyon yap fè yo.

Jounalis la souliye gen plizyè Ayisyen ki asasinen nan peyi a otorite yo pa janm di anyen sou sa , e anpil nan kadav sa yo itilize pou etidyan kap etidye lamedsin yo fè eksperyans. Pou travayè laprès la sanble otorite Peyi Dayiti yo pa okouran pil egzaksyon sa yo kap fèt sou resòtisan Ayisyen yo kap chèche lavi miyò nan Panyòl.

Gouvènman Ayisyen kondane depòtasyon masiv otorite dominikèn yo ap fè sou migran Ayisyen yo. Minis Zafè Etranjè Peyi Dayiti Dominique Dupuy deja pote dosye sa nan Òganizasyon Eta Ameriken yo.

pascalfleuristil2018@gmail.com