Masak Ponsonde: Direksyon jeneral òganis depatman vale Latibonit voye senpati l bay tout viktim ak fanmi viktim yo
Responsab yo nan direksyon jeneral òganis depatman vale Latibonit( ODVA) nan yon kominike yo rann piblik jodi lendi 7 oktòb la, voye senpati yo bay abitan nan lokalite Ponsonde, ki twouvel nan Senmak, an patikilye anplaye nan ODVA ki viktim nan yon fason oubyen yon lòt, anba atak bandi baz gran grif fè sou popilasyon an nan dat jedi 3 oktòb pase a, kote anviwon yon santèn moun mouri.
Òganis la mande ak Leta santral, Lapolis, Lajistis nan depatman Latibonit la pou pote sipò bay abitan Ponsonde ki viktim yo. Li mande enstans konsène yo travay prese prese pou rezoud pwoblèm ensekirite a sou tout fòm li nan depatman an, pandanl pwofite raple divès lòt lokalite ki te deja sibi atak malfra nan Latibonit.
Responsab ODVA yo rete kwè zak atoufè baz Gran Grif yo fè sou popilasyon sivil la nan Ponsonde a pap rete san pinklisyon lalwa. Yo pwofite swete anpil kouraj ak tout moun ki sibi e viv dram sa a.
