Delegasyon Depatmantal Lwès mande konpatriyòt ki sòti nan Peyi Sen Domeng pou fè deklarasyon yo

Nan dènye jou sa yo plizyè konpatriyòt ap sòti nan peyi vwazen pou rantre Pòtoprens, nan yon avi Delegasyon Depatmantal Lwès la mete deyò, DDO mande sitwaten sa yo pou yo pase nan komisarya oubyen sou komisarya ki pi pre yo pou fè deklarasyon yo. Konpatriyòt yo dwe egzije tou pou responsab nan leta a délivré yon dokiman nan mwayen pou ede yo antre san twòp difikilte nan Depatman Lwès la, daprè Direksyon Depatmantal la.

Nan menm sans sa, Direksyon Depatmantal Lwès la pwofite mande ak tout lòt Moun k ap sòti nan tout lòt Depatman patikilyèman Latibonit pou asire yo gen yon dokiman pou rive idantifye yo.

Toujou daprè nòt la , Delegasyon an envite tout jèn ki pa gen pyès pou pase nan biwo doleyans Delegasyon an ki chita nan Kanapevè nan lide pou ede yo jwenn pyès idantifikasyon yo.

Delegasyon Depatmantal la fè konnen li mete yon nimewo telefòn disponib pou jwenn yo nan ka yo ta bezwen ki se: 509 ( 4056- 83- 83).