Resansman pèsonèl kontraktyèl Leta yo ap rapouswiv jiska 20 oktòb deja genyen 13 000 enskri

Premye minis Gary Conille sou kont X li ki te rele lontan Twitè anonse gen 13 000 moun ki deja enskri nan platfòm nimerik OMRH la nan kad resansman pèsonèl kontraktyèl Leta yo pou ane 2023-2024 la.

Desizyon sa pran pou resanse anplwaye kontraktyèl yo ki pral fasilite renouvèlman kontra selon nòm ak règleman Fonksyon Piblik la daprè chèf Primati a.

Akoz difikilte ki te genyen sou platfòm nan sa ki te afekte pwosesis resansman a nan sans sa, Chèf Gouvènman anonse pwolonjman dat enskripsyon yo anliy pou 20 oktòb kap vini la. Pi lwen , dezyèm pi gwo chèf egzekitif la mande tout administrasyon finalize tout analiz ak rekòmandasyon yo nan dat 31 oktòb k ap vini la.

Platfòm nimerik sa mete sou pye se pou kontwole pèsonèl kontraktyèl Leta yo epi pou anpeche yon moun gen pliske yon kontra nan Fonksyon Piblik la.

pascalfleuristil2018@gmail.com