Edikasyon : Piblikasyon rezilta ofisyèl Bakaloreya pou Depatman Lwès ak Sidès

Nan yon kominike ki pibliye jounen dimanch 6 oktòb la, Ministè Edikasyon Nasyonal ak Fòmasyon Pwofesyonèl anonse Piblikasyon rezilta egzamen ofisyèl Bakaloreya pou Depatman Lwès ak Sidès.

Rezilta egzamen ofisyèl Bakaloreya yo pibliye pou 2 depatman nan twa ki te rete yo. Sou 4 325 patisipan pou Depatman Sidès nan sesyon Bakaloreya inik la gen 2 618 ki reyisi sa bay yon pousantaj 60,53%. Pou rekale te gen 484 elèv ki te patisipe gen 314 ki reyisi sa fè 64,88%.

Depatman Lwès lan te gen 43 447 kandida ki t al patisipe nan egzamen sila yo gen 21 473 kandida ki pase eprèv yo sa ki bay 49,42%. Nan menm kominike a Ministè Edikasyon Nasyonal ak Fòmasyon Pwofesyonèl anonse gradyèlman y ap fini konplete rezilta yo pou Depatman Lwès la.

Pou kounyea rezilta disponib pou 9 depatman tankou : Nò, Nodès, Sid, Nip, Sant, Latibonit, Grandans, Sidès epi Lwès. Rezilta pou Nòdwès la ap pibliye nan yon ti tan ki pa twò long.

pascalfleuristil2018@gmail.com