Nòdwès : Jean Charles Moïse manifeste nan vil Pòdepè ayè samdi a

Sekretè jeneral Pati Politik Pitit Desalin nan,  ansyen senatè Jean Charles Moïse , melanje ak  plizyè milye manm nan popilasyon an, patizan ak reprezantan , te manifeste nan vil Pòdepè jounen samedi 12 novanm 2022 an pou kontinye denonse lavi chè , fenomèn ensekite ki pa janm sispann fè dlo koule nan je popilasyon an chak jou , ogmantasyon pri gaz lan, paran ki pa ka voye pitit yo lekòl , dola kap grandi sou mache a chak jou pi plis , avèk demisyon PM defakto a Dr Ariel Henry.

Sekretè jeneral Pitit Desalin nan ki toujou an mòd  kanpay nan kat kwen peyi Dayiti  nan fè gwo mobilizasyon mande Popilasyon toujou rete debou paske batay la pap kanpe toutotan revandikasyon pèp la  pa pase.

Nap sinyale ansyen senatè a  aprè gwo manifestasyon l te òganize nan vil Pòdepè te vizite kek enstitisyon leta, ak divès chantye ki te kòmanse sou gouvèneman Jovenel Moïse la ki jounen jodia kanpe nan wout.

Aristilde Robens