Nòdwes-Pòdepè: Chofè yo pare pou kanpe machin yo paske yon galon gaz koute plis pase 2500 goud.
Jounen mèkredi 31 dawout 2022 a , chofè ki asire transpò atravè 10 komin depatman Nòdwès la, leve vwa yo pou fè Sibtiti Komisè gouvènman an,Me Alangue Valbrun ki epesyalize l nan sezi gaz malere/malerèz yo, yo pare pou kanpe tout machin akoz yo paka jwenn gaz nan ponp yo. Yo denonse kote yon galon gazolin ap vann 2500 goud alòs yo pa menm kapab jwenn li.
Chofè sa yo kritike Komisè gouvènman an k ap mache sezi gaz malere/ malerèz atè nan lari a akoz yo pa wè sa l regle ak gaz li sezi yo.
Chofè sa yo ki rete kwè gaz sezi yo ta dwe retounen nan ponp yo pou yo ka alimante machin ak motosiklèt yo piske se aktivite sa yo ki pèmèt yo pran swen fanmiy yo. Pwotestatè yo mande pou Leta defakto a pran responsablite l pou fè gaz rantre nan Nòdwès.
Chofè yo kontinye pou di si Leta pa di yon mo, yo pral lanse gwo mobilizasyon kont sibtiti Komisè gouvènman Pòdepè a , Me Alangue Valbrun,pou ba yo gaz pou yo mete nan machin ak motosiklèt yo ki se sèl espwa fanmi yo.
Aristilde Robens
Impulse Web Medias
