Nòdwès/ Pòdepè : Popilasyon an manifeste nan vil Pòdepè kont lide pou fèmen pò a
Jounen jedi 11 dawout 2022 a, popilasyon Nòdwès la manifeste pou denonse enfòmasyon k ap sikile ki ta vle fè kwè gouvènman defakto Dr Ariel Henry, aprè l fin pran desizyon poze sele sou 02 bato sa yo : Miss Lilie ak El Shaddaï ki fè trajè Pòdepè/Miyami. Otorite Dwàn nan te dekouvri anndan bato sa yo zàm, katouch ak chajè gwo kalib ki te soti nan peyi Etazini,se Pò Pòdepè a ki pral fèmen.
Manifestan yo, ankòlè pannkat, branchbwa nan men ki t ap pakouri plizyè ri nan pòdepè, pa t manke lanse pawòl piman bouk kont Premye minis defakto a,Dr Ariel Henry.
Manifestan yo pa t kanpe nan lari a sèlman.yo te rann yo devan Palè Jistis Pòdepè a. Se te yon okazyon pou kèk nan òganizatè manif lan: Destima Raymond Fedner, Handson Rémy, youn nan amatè bato yo te adrese yo ni ak Premye minis Ariel Henry ak Minis Jistis lan,Me Berto Dorcé,nouvo Komisè gouvènman Pòdepè a,Me Bertin Vital pou fè yo konnen pò Pòdepè a ki se espwa moun Nòdwès p ap kapab fèmen.
Yo kontinye pou di Arete Moun ki mèt Zàm yo ansuit libere bato yo. Moun Nòdwès p ap peye po kase a.
Manifestasyon sa, anba sekirite PNH, t al fini sou Plas Katedral Pòdepè, san ankenn ensidan.
Nap soulinye Ògznizatè yo pwomèt pou yo retounen sou beton an yon lòtfwa ankò si responsab yo pa retounen sou dosye pò Pòdepè a.
Aristide Robens
Nòdwès/PòdePè
Impulse Web Medias
