Yanvalou negosyasyon yo dwe rive nan bout li
Ayiti Chaos socio politique
LE CHAOS S’INSTALLE
Les acteurs politiques ne bougent plus.
Ils se morfondent dans le creux du désespoir, du non-retour. La force des choses se prononce, vers une lutte, malheureusement, qui pousse à la confrontation. Le pouvoir ignore toute politique de négociations réelles, à une sortie de crise.
LE PEUPLE HAÏTIEN EN PAYE FORT.
Le pouvoir fait violence clairement à la population. Il n’y a pas une autre explication à ce comportement insensé des dirigeants de ce pays : la fin de l’existence de nous TOUS, haitiens. La reddition du pouvoir à travers une RÉVOLTE, occupant tous les espaces, symboles des différents pouvoirs d’État (du centre vers les périphéries du Pouvoir en place), est à l’ordre du jour.
Nan kawo sosyal ak politik peyi a, twouve l la, epi lè n ap gade pozisyon mò rèd, pwennfèpa, divès pati ki di «y ap negosye», pou jwenn yon solisyon, ki poutan, nan yon jwèt mètdam, pou fè tan pase, nou di : HOLA!!!!
SE TWÒP ATÒ
Fòk nou demele nou, pou nou pouse do moun, ki kenbe pouvwa nan peyi ya. Sa dwe yon Veritab leve kanpe, tout moun nan popilasyon-an, nan peyi Dayiti.
Yon LEVE KANPE TOTAL KAPITAL !!!
Tankou Pèp peyi Sri Lanka sot montre nou la, n ap okipe tout espas pouvwa yo, tout kote nou kapab, kit nan Pòtoprens, kit nan tout rès peyi a.
N ap rete anndan tout espas yo, jouk Chèf yo rache manyòk yo, bay tè a blanch.
Gade si se pa jwèt tè, moun yo ap fè ak nou.
An n gade lèt ekip Primati a, reponn ekip Montana! Pa gen yon kote ditou, lide youn jwenn ak lide lòt la.
E se apre 2 Jou, chita tande, pou bati ajennda diskisyon yo, echanj korespondans sa yo fèt wi!!!!!
Kesyon pou nou poze tèt nou: ki kote retisans lan chita?
kiyès ki maryonèt la?
Poukisa pozisyon pwennfèpa mòrèd sa yo? A qui profite le crime?
kiyès nan gwoup sa yo, ki kwè mizè, grangou, kalamite pèp Ayisyen, kapab tann, yon jou andiplis?
Ki gwoup moun, ki kategori ki gen enterè, pou kawo sosyal, ekonomik, kiltirèl ak politik la kontinye pran rasin, kontinye donnen nan peyi a?
Nou kwè yon lòt fwa ankò, fòk moun yo, wete mask ki nan figi yo a. Yo dwe vini devan pèp la, ak figi yo, klè, pou yo jwenn santans yo.
LI LÈ, LI TAN, POU-L FÈ KLÈ POU AYITI !
Marcel Poinsard Mondésir
22 jiyè 2022.-
