Nòdwès / Pòdepè : Plis pase 20 fanm resevwa fòmasyon sou lidèchip politik pou ede yo patisipe nan pwochèn eleksyon yo

ONU/Fanm nan peyi Dayiti, Ministè Kondisyon Fanm ak Dwa Fanm, Òganizasyon Entènasyonal Frankofoni ki deja fòme divès fanm nan lòt dépatman peyi a sou lidèchip politik fanm yo , rive mete yon pwen jounen mèkredi 15 jen 2022 a, nan Vil pòdepè, nan 3 jounen fòmasyon yo t ap òganize ki te kòmanse lendi 13 jen pase a ak plis pase yon ventèn lidè Fanm ki te soti nan 10 komin Depatman Nòdwès la.

Fòmasyon sa ki jwenn finansman l bò kote Gouvènman Kanadyen an nan Kad pwogram pou ranfòse Kapasite Politik Medam yo, pral pèmet Fanm nan peyi Dayiti ranfòse kapasite yo pou patisipe nan zafè politik peyi a. Pral gen plis pase 200 Fanm atravè 10 depatman jewografik peyi Dayiti ki pral genyen ase eleman sou zafè kanpay Elektoral.

Daprè Me Elizabeth Desgraviers ki se Fomatris 3 jounen fòmasyon sa yo, pami medam sa yo ki deja nan pòs elektif ki resevwa fòmasyon saa , ak sila yo ki pral gen pou patisipe nan pwochèn konptisyon Elektoral yo. Daprè deklarasyon divès nan yo ki te patisipe nan 3 jounen fòmasyon yo kote yo chak resevwa sètifika, pwomèt pou y al transmèt fòmasyon sa a ak lòt lidè Fanm nan kominote a yo.

Fòmatris la , Me Élizabeth Desgraviers, raple madam yo fòk 30% Fanm yo rive respekte ni nan nivo Palman, ni nan enstitisyon piblik yo.

Robens Aristilde 

Nodwes

Impulse WebMedias