Nòdwes / Pòdepè: 3 prezime kidnapè arete nan anlèvman yon tifi 14 lane.
Lapolis libere yon tifi 14 lane anba men kidnapè aprèmidi lendi 30 me 2022 a aprè bandi ak zam te fin kidnape l dimanch 29 me a . Nan moman liberasyon an, lapolis arete 3 prezime kidnapè : Delva Rony 35 lane, Eugène Vania 35 lane ak François Marc Nozaire 25 lane k ap reflechi anndan Komisarya Pòdepè a .
Daprè premye eleman enfòmasyon ki rive jwenn nou, ravisè yo te kòmanse ap negosye kòb pou liberasyon tifi 14 lane sa a k ap fè klas 7e AF nan youn nan kolèj lavil la.
Sou demand paran Viktim nan, jij depè Tribinal depè Pòdepè a jij Paul Blanc , akonpanye fòs lòd yo nan zòn kote ravisè yo te kache fiyèt la, te rive mennen yon operasyon pou liberasyon OTAJ la .
Aristilde Robens
Impulse WebMedias
