Nou bezwen chanje mantalite n : yon mesaj enpòtan Chrisnette Saint Georges lanse pou fen ane a ak tout konpatriyòt ayisyen yo
Bonswa tout pouvwa ak mèvèy ki la nou tout genyen anpil potansyalite nan domèn pa nou. Jodia se 27 desanm, rete sèlman 4 jou pou ane a fini!
Pa fè kredi, pa depanse anpil, ou dwe pataje, bay moun, fè kè yo kontan jan ou kapab !
Mwa janvye a long anpil !
Byen jere sa ou genyen !
Eske ou konnen si w potko gen anyen de byen ou te fè nan vi w ou gen ase tan pou ou fè l ?
Ou bezwen chanje sa ki pa bon yo an bon bagay, ou bezwen chanje mantalite anyen pa posib an mantalite tout bagay posib !
Ou bezwen chanje mantalite dekourajman pandan w ap ankouraje moun.
Ou bezwen chanje pale mal an felisitasyon
Ou bezwen chanje mantalite wè vè mwatye vid la an mwatye plen !
Ou bezwen chanje mantalite ki di anyen pa posib nan peyi Dayiti ak tèt ansanm tout bagay posib !
Ou bezwen chanje mantalite ki di pa genyen anyen k ap mache ak moun sa si mwen pa mete men m tou pou sa mache pi byen !
An nou sansiblize youn lòt pou nou sispann telespektatè nou dwe rantre nan lane 2022 a kòm Aktè chanjman nan komin nou, nan lokalite nou, nan seksyon kominal yo, nan zòn yo !
Nou dwe sispann pale gouvènman mal an nou fòse yo pran responsablite yo pandan nou ap kolabore pou devlope komin nou
Se nou k ap viv , minimòm nan nou dwe fòse leta travay pandan nou pap kwaze bwa nou. Nou se AKTÈ kounye a !
An nou sansibilize youn lòt pou nou devlope mantalite nou sòti nan fènwa rantre nan limyè !
Lè yon moun ap pale moun mal san prèv, lè yon moun ap detwi moun san prèv, èske ou konnen kantite moun ou ap mete nan soufrans ?
Nou bezwen chanje mantalite sa an mantalite pwogrè !
Rale yon moun ki devan fè bak li te devan l ap toujou devan ou menn ki ap rale l la ou ap toujou rete dèyè !
An nou elimine mantalite krab la an nou sansiblize youn lòt pou nou tounen ÈG, l ap bon pou nou tout !
Lè yon moun nan yon zòn avanse, li fè pwogrè li fè onè zòn lan tout kote li pase se de zòn lan y ap pale, se pa de moun lan !
Ou menn ki nan zòn lan ou kontan ou fyè paske ou tande y ap pale de komin lan !
Se yon fyète pou komin lan nan gwo nivo sa !
Eske nou ta renmen yo toujou ap pale de Akayè zòn wouj ?
Si ou pa vle sa ou bezwen:
Chanje mantalite ! Chanje mantalite ! Chanje mantalite !
Chrisnette Saint Georges
