Jakmèl: Yon avyon Meksiken fè aterisaj fòse sou pis la
Yon avyon Meksiken ki t ap pran direksyon Kiba fè yon aterisaj fòse akoz yon pwoblèm teknik. Sa rive aswè 19 oktòb la nan Aviyasyon Jakmèl. Daprè premye eleman enfòmasyon Impulse Web Medias rive jwenn nan men konfrè Francky Célestin, se 2 dominiken ki t ap pilote avyon sila. Erezman yo sòti san okenn pwoblèm.
Ensidan sa lakòz yon mouvman pwotestasyon britsoukou eklate sou pis aviyasyon Jakmèl la nan lannwit 19 oktòb la. Popilasyon an vle wè kisa avyon ki tonbe a te pote. Finalman yo rive rantre nan avyon an men nou pa konnen kisa yo jwenn. Annatandan nou jwenn enfòmasyon otorite lokal yo. Pou koulye nou poko gen okenn enfòmasyon sou konbyen moun ki te anndan avyon sa aprè 2 moun ki t ap pilote l yo ni kisa li tap transpòte. Gen temwen ki ta menm fè kwè avyon an parèt sispèk nan sa li tap transpòte.
Marcia MOĪSE
