“Applied Leadership and Developpement Group” ap òganize 3e kòlòk pwotestan nan fen mwa oktòb la.

« Haïti, Protestantisme et sous-développement », se anba tèm sa « Applied Leadership and Développement Group » ap òganize 3è kolòk yo. Plizyè gran otorite nan mond pwotestan ap reponn prezan nan kokenn chenn aktivite sila. Pami yo Me. Sonet Saint-Louis, ekonomis Etzer Émile, Dr. Lesly Juste, Dr. Vijonet Demero pou n site sa yo sèlman. Entèvenan yo pra l reflechi sou kijan pou viv fwa kretyèn yo nan kontèks ayisyen an ?

Daprè Jean-Samuel Trézil, chak entèvenan ap prezante tèm la nan yon ang byen detèmine. Tankou : “Kretyen ayisyen, yon sitwayen responsab. Legliz ak lit kont povrete nan peyi Dayiti”, pou n site sa yo sèlman.

Mesye Trézil fè konnen objektif kòlok sa se, ankouraje lidè kretyen yo pou angaje yo pi plis pa sèlman tankou sitwayen nan lavi sosyal, ekonomik ak politik men sitou pou ranpli misyon sosyal legliz la.  Fòse klas pwotestan tou reflechi pi fon sou wòl ak sans refòm pwotestan sou plan ekonomik, sosyal ak politik.

N ap raple òganizayon Applied Leadership and Développement Group te kreye nan mwa oktòb 2019 nan Boston. Se yon òganizayon evanjelik ki fèt 29 mas 2019 nan Boston, Massachusetts.